२०८२ भाद्र १४ गते शनिवार
२०८२ भाद्र १४ गते शनिवार
काठमाडौँ । २०८० चैत ३० गते एक लाख ३९ हजारमा रेकर्ड कायम गरेको सुनको मूल्यले आज पुनः नयाँ रेकर्ड कायम गरेको छ ।
२०८० सालको अन्तिम दिन शुक्रबार सुनमा हालसम्मकै उच्च मूल्य कायम भएको थियो । उक्त दिन छापावाल सुनको मूल्य प्रतितोला एक लाख ३९ हजार रुपैयाँ र तेजाबी सुनको मूल्य प्रतितोला १ लाख ३८ हजार ३५० रुपैयाँमा कारोबार भएको थियो ।
नेपाल सुन–चाँदी व्यवसायी महासंघको अनुसार आज बैशाख ४ गते मंगलबार छापावाल सुनको मूल्य प्रतितोला एक लाख ३९ हजार २ सय रुपैयाँ र तेजाबी सुनको मूल्य प्रतितोला १ लाख ३८ हजार ५५० रुपैयाँमा कारोबार हुने भएको छ ।
यो अघिल्लो कारोबारको तुलनामा १ हजार ७ सय रुपैयाँले बढेको हो । अघिल्लो कारोबारको दिन अर्थात बैशाख ३ गते सोमबार छापावाल सुन प्रतितोला १ लाख ३७ हजार ५ सय रुपैयाँ र तेजावी सुन प्रतितोला १ लाख ३६ हजार ८ सय ५० रुपैयाँमा कारोबार भएको थियो ।
यस्तै, आज चाँदीको मूल्य पनि प्रतितोला ३५ रुपैयाँले बढेको छ । यसअघि प्रतितोला १ हजार ७ सय १५ रुपैयाँमा कारोबार भएको चाँदीको भाउ बढेर आज १ हजार ७ सय ५० रुपैयाँ पुगेको हो ।
© 2025 All right reserved to khabarcnter.com | Site By : Sobij
