२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । नेपाल राष्ट्रिय क्रिकेट टोलीका कप्तान रोहित पौडेलले त्रिभुवन आर्मी क्लब छाड्ने भएका छन् । पौडेलले क्लबमा करार नवीकरण नगर्ने निर्णय सुनाएको नेपाली सेना स्रोतले जानकारी दियो ।
‘उहाँले अब आर्मीबाट नखेल्ने जानकारी गराउनु भएको छ । करारमा भएका खेलाडीले भएकाले उहाँको यो व्यक्तिगत निर्णय हो’, आर्मी स्रोतले भन्यो । घरेलु क्रिकेट प्रतियोगिता खेल्न चार वर्षअघि रोहित आर्मीमा आबद्ध भएका थिए। यसबीचमा उनी करारमा थिए ।
स्रोतका अनुसार उनलाई आर्मीमै भर्ना पनि गर्न खोजिएको थियो । ‘गत वर्ष उहाँलाई आर्मीमै आबद्ध गर्ने विषयमा कुराकानी पनि भएको थियो । यो वर्ष गर्ने कुरा भइरहँदा उनले अब निरन्तरता दिन नसक्ने जानकारी गराउनु भयो’, आर्मी स्रोतले भन्यो ।
रोहितले अब घरेलु क्रिकेट कहाँबाट खेल्छन् भन्नेबारे केही खुलेको छैन । रोहित एक वर्षयता नेपाली राष्ट्रिय टोलीको कप्तान रहेका छन् ।
© 2025 All right reserved to khabarcnter.com | Site By : Sobij
