२०८२ भाद्र ९ गते सोमवार
२०८२ भाद्र ९ गते सोमवार
काठमाडौँ । यसै वर्ष आयोजना हुने यू-१९ एसिया कप क्रिकेट प्रतियोगितामा नेपालले आफ्नो पहिलो खेल पाकिस्तानसँग खेल्ने भएको छ । एसियाली क्रिकेट काउन्सिल (एसीसी) ले बुधबार प्रतियोगिताको खेल तालिका सार्वजनिक गरेको हो ।
यू-१९ एसिया कप क्रिकेट संयुक्त अरब इमिरेट्स (यूएई) मा डिसेम्बर ८ देखि १७ तारिखसम्म आयोजना हुनेछ । प्रतियोगितामा नेपाल समूह ‘ए’ मा परेको छ । उक्त समूहमा बलिया टोलीहरु छन् । त्यो समूहमा नेपालका अतिरिक्त भारत, पाकिस्तान र अफगानिस्तान रहेका छन् ।
यसैगरी प्रतियोगिताको समूह ‘बी’ मा बंगलादेश, श्रीलंका, जापान र आयोजक यूएई रहेका छन् । नेपालले आफ्नो पहिलो खेल डिसेम्बर ८ मा पाकिस्तानसँग खेल्नेछ । सोही दिन भारत र अफगानिस्तानबिच अर्को खेल खेलिने छ ।
यसैगरी नेपालले दोस्रो खेल डिसेम्बर १० मा अफगानिस्तानसँग खेल्नेछ । सोही दिन अर्को खेल भारत र पाकिस्तानबिच हुनेछ । नेपालले तेस्रो खेल डिसेम्बर १२ मा भारतसँग खेल्नेछ । सोही दिन अर्को खेल पाकिस्तान र अफगानिस्तानबिच हुनेछ ।
© 2025 All right reserved to khabarcnter.com | Site By : Sobij
