२०८२ भाद्र ११ गते बुधवार
२०८२ भाद्र ११ गते बुधवार
काठमाडौं । विश्वभर चिनियाँ मोबाइल निर्माता साओमीका प्रयोगकर्ताको संख्या करिब ६० करोड पुगेको छ । कम्पनीले हालै सार्वजनिक गरेको सन् २०२३ को पहिलो त्रैमासिक आर्थिक प्रतिवेदन अनुसार विश्वभर साओमीका प्रयोगकर्ता ५९ करोड ४८ लाख पुगेका छन् ।
उक्त समयावधिमा कम्पनीले विश्वभर तीन करोड चार लाख डिभाइस बिक्री गर्दा कम्पनीले पाँच अर्ब डलर (करिब छ खर्ब ५९ अर्ब १५ करोड रुपैयाँ) आम्दानी गरेको छ ।
बजार हिस्साको हिसाबले हेर्ने हो भने विश्वको स्मार्टफोन बजारमा साओमीको बजार हिस्सा ११।३ प्रतिशत रहेको छ । यसको अर्थ विश्वबजारमा सबैभन्दा धेरै स्मार्टफोन बिक्री गर्ने कम्पनीमा साओमी तेस्रो स्थानमा छ । एप्पल पहिलो नम्बरमा छ भने सामसङ दोस्रो नम्बरमा छ ।
चिनियाँ बजारमा भने साओमी चौथौं स्थानमा छ । चिनियाँ बजारमा सबैभन्दा धेरै मोबाइल बिक्री गर्नेमा एप्पल पहिलो, ओप्पो दोस्रो, भिभो तेस्रो र साओमी चौथौं नम्बरमा रहेको छ ।
मोबाइल बजारलाई विस्तार गर्दै कम्पनीले अब विद्युतीय सवारीमा पनि हात हालेको छ । चाँडै नै बजारमा साओमीका विद्युतीय सवारी पनि गुड्न सुरु हुनेछन् ।
© 2025 All right reserved to khabarcnter.com | Site By : Sobij
