२०८२ भाद्र ८ गते आइतवार
२०८२ भाद्र ८ गते आइतवार
काठमाडौँ । कुवेतले एसीसी प्रिमियर कपको सेमिफाइनलमा पुग्ने सम्भावना बलियो बनाएको छ । समूह ‘बी’ अन्तर्गत तीन खेलमा दोस्रो जित हात पार्दै कुवेत सेमिफाइनल नजिक पुगेको हो ।
दोस्रो जित हात पार्न कुवेतले त्रिवि क्रिकेट मैदानमा आज सिंगापुरलाई ४ विकेटले पराजित गर्यो । जितका लागि चाहिएको १ सय १४ रन कुवेतले २६ ओभर ३ बलमा ६ विकेट गुमाएर पूरा गर्यो ।
कुवेतलाई जित दिलाउन अदनान इदरिसले ३८ रन तथा मित भवसारले २७ रन बनाए । सिंगापुरका लागि विनोथ बासकरण र अक्षय पुरीले २-२ विकेट लिए ।
यसअघि टस हारेर पहिले ब्याटिङ गरेको सिंगापुरले ३१ ओभर ४ बलमा सबै विकेट गुमाउँदै १ सय १३ रनमात्र जोड्न सक्यो । सिंगापुरका लागि अमरत्या कौलले ४५ रन तथा मनप्रित सिंहले २८ रन बनाए । कुवेतका मोहम्मद अस्लमले ५ तथा शिराज खानले ३ विकेट लिए ।
© 2025 All right reserved to khabarcnter.com | Site By : Sobij
