बेलायत कोरोना संक्रमणको चपेटामा फस्दै गएको छ । बुधबार त्यहाँ कोरोना महामारी सुरु भएयताकै धेरै संक्रमित फेला परेको छ ।
बुधबार त्यहाँ १ लाख ६ हजार १२२ जनामा कोरोना संक्रमण पुष्टि भयो । कोरोना भाइरसका कारण २४ घण्टामा त्यहाँ १४० जनाको मृत्यु भयो । बेलायतमा अझै केही हप्तासम्म संक्रमितको संख्या निरन्तर बढ्ने विज्ञहरुले बताएका छन् ।
संक्रमणको निरन्तर वृद्धिका बाबजुद त्यहाँ क्रिसमस अगाडि कुनै प्रतिबन्ध नलगाउने प्रधानमन्त्री बोरिस जोनसोनले घोषणा गरेका छन् । तर उनले मंगलबार भिडियो सन्दशे दिँदै संक्रमणको जोखिमलाई ध्यानमा दिएर क्रिसमस प्लान्ट बनाउन आग्रह गरेका छन्।
बेलायतमा अहिले सम्म करोड १ करोड १६ लाख ४७ हजार भन्दा धेरैमा संक्रमण पुष्टि भएको छ । १ लाख ४७ हजार भन्दा धेरैको मृत्यु भएको छ ।
