Logo

२०८३ मंसिर २ गते बुधवार

२०८३ मंसिर २ गते बुधवार

भोटेकोशी बाढीमा बेपत्ता पत्रकार टेकराज थामीकी छोरीलाई पाकिस्तानको छात्रवृत्ति

भोटेकोशी बाढीमा बेपत्ता पत्रकार टेकराज थामीकी छोरीलाई पाकिस्तानको छात्रवृत्ति


  • 442
    Shares

    • images
    भोटेकोशी बाढीमा बेपत्ता पत्रकार टेकराज थामीकी छोरीलाई पाकिस्तानको छात्रवृत्ति

    काठमाडौँ ।भोटेकोशी बाढीमा परेर बेपत्ता पत्रकार टेकराज थामीकी छोरीलाई पाकिस्तान सरकारले छात्रवृत्ति प्रदान गर्ने घोषणा गरेको छ । 

    नेपालका लागि पाकिस्तानी राजदूत मोहम्मद आमिर खानले आज पत्रकार थामीकी धर्मपत्नी एवं राससका समाचारदाता कालिका खड्कालाई सो कुराको जानकारी दिएका हुन् । उनकी छोरी कृतिका हाल नौ कक्षामा अध्ययनरत छिन् । 

    राजदूत खानले कृतिकालाई माध्यमिक विद्यालयसम्मको छात्रवृत्ति उपलब्ध गराउने जानकारी दिएका हुन् । राजदूत खानले कृतिकाको पठनपाठनमा सघाउ पुगोस् भनेर दूतावासका तर्फबाट सहयोगस्वरुप एक थान ल्यापटप पनि प्रदान गरेका थिए । 

    त्यस अवसरमा राजदूत खानले भोटेकोशी बाढीले पुर्‍एको क्षतिप्रति दुःख व्यक्त गर्दै एक मित्र राष्ट्रका हैसियतले पाकिस्तान सरकारका तर्फबाट दूतावासले पत्रकार थामीको परिवारलाई सो सहयोग गरेको बताए । 

    त्यस अवसरमा पत्रकार खड्काले छोरीको पठनपाठनका लागि सो सहयोग उपलब्ध गराएकामा पाकिस्तान सरकारलाई धन्यवाद ज्ञापन गरेकी थिइन् । 

    प्रकाशित मिति :मंसिर १ २०८३ मंगलवार - १८:१६:११ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2026 All right reserved to khabarcnter.com | Site By : Sobij