२०८३ कार्तिक २६ गते बिहिवार
२०८३ कार्तिक २६ गते बिहिवार
.gif)
काठमाडौं । मकवानपुरको भीमफेदीमा भएको माइक्रोबस दुर्घटनामा घाइते हुनेको संख्या ६ पुगेको छ । दुर्घटनामा परी हालसम्म १० जनाको मृत्यु भएको छ ।
सशस्त्र प्रहरीका डीएसपी तथा सहप्रवक्ता शैलेन्द्र थापाका अनुसार दुर्घटनास्थलनजिकैको झाडीमा घाइते अवस्थामा एक बालक फेला परेका छन् । उनलाई उद्धार गरी उपचारका लागि हेटौंडा अस्पताल पठाइएको छ ।
यसअघि दुर्घटनामा घाइते भएका पाँच जनाको उद्धार गरिएको थियो । थप एक बालक फेला परेसँगै घाइतेको संख्या ६ पुगेको हो । दुर्घटनामा मृत्यु भएका १० जनाको भने हालसम्म पहिचान खुल्न सकेको छैन ।
प्रहरीका अनुसार बिहीबार बिहान करिब ६:१० बजे काठमाडौंबाट सर्लाहीतर्फ जाँदै गरेको माइक्रोबस सडकबाट करिब ७०० मिटर तल खसेर दुर्घटनाग्रस्त भएको हो । उक्त गाडीमा १५ जना सवार रहेको बताइएको छ ।
दुर्घटनालगत्तै सशस्त्र प्रहरी बलको सुरक्षा बेस भीमफेदीबाट सशस्त्र प्रहरी नायब उपरीक्षकको कमाण्डमा उद्धार टोली परिचालन गरिएको थियो ।
घटनास्थलमा नेपाली सेना, नेपाल प्रहरी र सशस्त्र प्रहरीको संयुक्त टोलीले उद्धार कार्य जारी राखेको छ ।
भीमफेदी दुर्घटना
© 2026 All right reserved to khabarcnter.com | Site By : Sobij
