काठमाडौं ।  एलोभेरा अर्थात् घ्यु कुमारी एक यस्तो औषधीय बिरुवा हो जसलाई घरमा हुर्काउन निकै सजिलो छ। 

यसलाई छाला र कपाल दुवैका लागि निकै फाइदाजनक मानिन्छ। आजकल प्रदूषण, तनाव, अस्वस्थ जीवनशैली र रसायनयुक्त उत्पादनका कारण कपाल झर्ने, सुख्खा हुने र चाया पर्ने जस्ता समस्या सामान्य बनेका छन्।

यस्तो अवस्थामा घरमै लगाइएको एलोभेरा बिरुवाले प्राकृतिक हेयर ट्रिटमेन्टको रूपमा काम गर्छ। यसमा पाइने भिटामिन ए, सी, ई, बी-१२, फोलिक एसिड र एन्टिअक्सिडेन्टले कपाललाई जरादेखि नै बलियो बनाउँदै टाउकोको छाला (स्क्याल्प) लाई स्वस्थ राख्छन्।

घरमा एलोभेरा कसरी रोप्ने?

एलोभेरा रोप्नका लागि पिँधमा प्वाल भएको एउटा सानो गमला लिनुहोस्। त्यसमा माटोसँग बालुवा र मल मिसाएर हलुका माटो तयार पार्नुहोस्। 

एलोभेराको सानो जरा भएको भागलाई माटोमा गाड्नुहोस्। धेरै पानी हाल्नु हुँदैन, हप्तामा २–३ पटक पानी दिए पुग्छ। यसलाई कम घाम लाग्ने ठाउँमा राख्नुहोस्। केही दिनमै बिरुवा बढ्न थाल्नेछ अनि तपाईं यसको ताजा जेल प्रयोग गर्न सक्नुहुनेछ।

कपालमा एलोभेरा प्रयोग गर्ने तरिका

तपाईं एलोभेरा जेललाई नरिवलको तेल, दही, प्याजको रस वा जैतुनको तेल (ओलिभ ओयल) सँग मिसाएर हेयर मास्कको रूपमा प्रयोग गर्न सक्नुहुन्छ। हप्तामा २–३ पटक यसको प्रयोग गर्नाले कपाल नरम, बाक्लो र चम्किलो बन्न थाल्छ।

एलोभेरा जेल हेयर मास्क

ताजा एलोभेरा जेल निकालेर सीधै कपालको जरामा लगाउनुहोस्। ३० मिनेटपछि माइल्ड स्याम्पुले धुनुहोस्। यसले कपाललाई नरम र चम्किलो बनाउँछ।

एलोभेरा र नरिवलको तेल

२ चम्चा एलोभेरा जेलमा १ चम्चा नरिवलको तेल मिसाएर हल्का तताउनुहोस् र टाउकोको छालामा मालिस गर्नुहोस्। यसले कपाल झर्ने समस्या कम गर्छ।

एलोभेरा र दही

एलोभेरा जेलमा २ चम्चा दही मिसाएर कपालमा लगाउनुहोस्। यो हेयर प्याक चाया र सुख्खा कपालका लागि निकै फाइदाजनक हुन्छ।

एलोभेरा र प्याजको रस

कपाल धेरै झरिरहेको छ भने एलोभेरा जेलमा थोरै प्याजको रस मिसाएर जरामा लगाउनुहोस्। यसले कपाल छिटो बढ्न मद्दत गर्छ।

एलोभेरा हेयर स्प्रे

एलोभेरा जेललाई पानीमा मिसाएर स्प्रे बोतलमा भर्नुहोस् र कपाल धोएपछि हल्का स्प्रे गर्नुहोस्। यसले कपाललाई उडेको जस्तो देखिन वा लट्टा पर्न (फ्रिजी हुन) दिँदैन।

एलोभेरा र जैतुनको तेल

एलोभेरा जेलमा जैतुनको तेल मिसाएर लगाउनाले कपाल बलियो, बाक्लो र चम्किलो बन्छ।

घरमा एलोभेरा रोप्नु सजावटका लागि मात्र नभई स्वास्थ्य र सौन्दर्यका लागि पनि निकै फाइदाजनक छ। प्राकृतिक हुने भएकाले यसको कुनै साइड इफेक्ट हुँदैन। त्यसैले एलोभेरालाई आफ्नो कपाल स्याहार दिनचर्याको हिस्सा अवश्य बनाउनुहोस्।

अस्वीकरण: लेखमा उल्लेख गरिएका सल्लाह र सुझाव केवल सामान्य जानकारीका लागि हुन्, जसलाई व्यावसायिक चिकित्सा सल्लाहको रूपमा लिनु हुँदैन। कुनै पनि प्रश्न वा समस्या भएमा सधैँ छाला रोग विशेषज्ञसँग परामर्श लिनुहोस्।

एजेन्सी