२०८३ आश्विन ६ गते मंगलवार
२०८३ आश्विन ६ गते मंगलवार
.gif)
काठमाडौं । नेकपा एमालेका उपमहासचिव योगेश भट्टराईले पार्टी पुनर्गठनसँगै नेतृत्व हस्तान्तरण आवश्यक रहेको धारणा अघि सारेका छन् । जारी एमाले केन्द्रीय कमिटी बैठकको दोस्रो दिन मंगलबार उनले अध्यक्ष केपी शर्मा ओलीसमक्ष लिखित धारणा प्रस्तुत गर्दै यस्तो प्रस्ताव गरेका हुन् ।
भट्टराईले पार्टीलाई थप व्यवस्थित र प्रभावकारी बनाउन कार्यदलको प्रतिवेदनमा उल्लेखित सुझाव कार्यान्वयन गर्नुपर्ने बताएका छन् । उनले आगामी स्थानीय तहको निर्वाचनसम्मका लागि अन्तरिम नेतृत्वको व्यवस्था गरेर पार्टीलाई अघि बढाउन सकिने धारणा राखेका छन् ।
उनको लिखित धारणामा पार्टी पुनर्गठन र नेतृत्व हस्तान्तरणलाई आवश्यक कदमका रूपमा अघि सारिएको छ । कार्यदलको प्रतिवेदनका सुझावलाई आधार बनाएर संगठन र नेतृत्वमा सुधार गर्नुपर्ने उनको प्रस्ताव छ ।
भट्टराईले पछिल्लो समय एमाले र जनताबीचको सम्बन्ध कमजोर बन्दै गएको पनि उल्लेख गरेका छन् । जनतासँगको सम्बन्ध पुनः स्थापित गर्न उनीहरूको भावना र अपेक्षाअनुसार पार्टीको नीति तथा नेतृत्व अघि बढाउनुपर्ने उनको भनाइ छ ।
उनले पार्टीलाई नयाँ परिस्थितिअनुसार रूपान्तरण गर्दै जनतासँगको सम्बन्ध थप सुदृढ बनाउन आवश्यक रहेको धारणा पनि राखेका छन् ।
© 2026 All right reserved to khabarcnter.com | Site By : Sobij
