२०८३ भाद्र ७ गते आइतवार
२०८३ भाद्र ७ गते आइतवार
.gif)
काठमाडौं । जापानमा आगामी सेप्टेम्बर महिनामा हुने २०औँ एसियाली खेलकुदमा सहभागी हुने स्केटिङ खेलाडीले थाइल्यान्डको बैंककमा तयारी प्रशिक्षण गर्ने भएका छन् । दुई पुरुष खेलाडी गजेन्द्र बर्देवा र शरदकुमार राई शुक्रबार बैंकक प्रस्थान गर्नेछन् । यी दुई खेलाडीले एसियाडमा स्ट्रिट विधामा सहभागिता जनाउनेछन् ।
उनीहरूले करिब एक महिना बैंककस्थित हुआ मक स्केट पार्कमा प्रशिक्षण गर्ने नेपाल स्केटिङ तथा स्केट बोर्डिङ संघका महासचिव सत्य थापाले जनाएका छन् । महासचिव थापाले एकमहिने प्रशिक्षणपछि खेलाडीले त्यही प्रशिक्षणलाई निरन्तरता दिने वा नेपाल फर्कने अहिले टुंगो नलागेको बताए ।
टोलीलाई राष्ट्रिय खेलकुद परिषद्का सदस्य–सचिव रामचरित्र मेहताले बिदाइ गर्दै खेलाडीलाई उच्च मनोबलका साथ एसियाडमा प्रतिस्पर्धा गर्ने सुझाए । उनले एसियाडमा सहभागी हुने खेलाडीको एक वर्षको बिमा गरिने बताउँदै खेलाडीलाई अधिकतम सुविधा दिने विषयमा पनि प्रयासरत रहेको बताए ।
एसियाडमा स्केटिङका खेलहरू असोज ३ गतेदेखि हुनेछ ।
© 2026 All right reserved to khabarcnter.com | Site By : Sobij
