२०८३ आश्विन १९ गते सोमवार
२०८३ आश्विन १९ गते सोमवार
.gif)
काठमाडौं । जापानले गेमिङ पार्लरमा आगजनी गराएर ५ जनाको हत्या गर्ने एक पुरुषलाई मृत्युदण्डको सजाय दिएको छ । २००९ मा ओसाकामा भएको यस घटनाका दोषी ५८ वर्षीय सुनाओ ताकामीले आफ्नो घर नजिकको पाचिन्को पार्लरलाई पेट्रोल छर्केर आगो लगाइदिएका थिए ।
यस घटनामा चार जना ग्राहक र एक जना कर्मचारीको मृत्यु भएको थियो । जापानमा मृत्युदण्ड दिइएको एक वर्षभन्दा बढी समययता यो पहिलो पटक हो । घटनाको समयमा ताकामी मानसिक रूपमा रोगी भएको भन्दै प्रतिवादीका वकिलले पेस गरेको तर्क ६ जना जुरी र तीन जना न्यायाधीसहरूको समूह अस्वीकार गरेका थिए । उनलाई २०११ मा फाँसीको सजाय सुनाइएको थियो ।
मृत्युदण्डको सजाय दिन अमेरिका र जापान औद्योगिक देशहरूको समूह जीसेभेनको दुई मात्रै सदस्य देश हुन् । जापानमा मृत्युदण्डको सजाय पाएका व्यक्तिलाई सजाय दिनुभन्दा केही घण्टा अगाडि मात्रै यसको जानकारी दिइन्छ । गएको वर्ष जापानले २०१७ मा नौ जनाको हत्या गरेका ‘ट्विटर’ किलर भनेर चिनिने ताकाहिरो शिराइशीलाई फासी दिइएको थियो । पछिल्लो फाँसी भने प्रधानमन्त्री सनाए ताकाइचीको पालामा दिइएको पहिलो फाँसी हो ।
© 2026 All right reserved to khabarcnter.com | Site By : Sobij
