२०८३ भाद्र ४ गते बिहिवार
२०८३ भाद्र ४ गते बिहिवार
.gif)
काठमाडौं । नाडा अटोमोवाइल एशोसिएशन अफ नेपाल(नाडा) अन्तर्गत नाडा अटो शो संयोजक अनुपकुमार बरालले नाइमा अटो शोलाई आफूहरुको कपी भएको दाबी गरेका छन् ।
नाडाले १८ औं शोको आयोजना गरिरहेकाले आफूहरुले गरिरहेको इभेन्ट ओरिजिनल भएको बताए । ‘कसैले विचमा अटो शो गर्छ भने त्यो रोक्न सकिदैन् । तर नाडा आफ्नै फ्लोमा काम गरिरहेको छ । नाडा अटो शो इज जेनियुन हो, नाइमा अटो शो नाडाको कपी हो,’ उनले ।
नाडा देशभर फैलिएको, सातै प्रदेशमा शाखा भएको देशभर २८ सय सदस्य भएको संस्था भएकाले कुनै संस्थासँग तुलना गरिरहनु जरुरी नभएको औंल्याए ।
नाडा अन्तर्गत रहेका कम्पनीहरुले नेपालको अर्थतन्त्र र राजश्वमा २२ देखि २५ प्रतिशत योगदान रहेको दाबी गर्दै एकलाख व्यक्तिलाई प्रत्यक्ष रोजगारी दिएको बताए ।
‘नाडा अटो शो २०२६’ आगामी भदौ ( देखि १४ गतेसम्म काठमाडौंको भृकुटीमण्डप प्रदर्शनीस्थलमा आयोजना हुँदैछ । अटो शोको तयारीबारे जानकारी दिन आयोजित सोमबार आयोजित पत्रकार सम्मेलनमा वरालले तयारी धमाधम भइरहेको जानकारी दिए ।
नाडाको ५०औँ वार्षिकोत्सवको अवसरमा यस वर्षको अटो शोलाई ‘स्वर्ण उत्सव संस्करण’का रूपमा आयोजना गर्न लागिएको हो ।
यसअघि नेपाल अटोमोबाइल इम्पोटर्स एण्ड म्यानुफ्याचरर्स एशोसिएसन (नाइमा) ले दोस्रो संस्करणको ६ दिने ‘नाइमा नेपाल मोविलिटी एक्स्पो–२०२६’ को समापन भएको थियो ।
© 2026 All right reserved to khabarcnter.com | Site By : Sobij
