२०८३ भाद्र ४ गते बिहिवार
२०८३ भाद्र ४ गते बिहिवार
.gif)
काठमाडौं । कोशी प्रदेश सरकारमा सहभागी हुने अन्तिम तयारीमा रहेको नेपाली कम्युनिस्ट पार्टी (नेकपा) ले पाउने तीन मन्त्रालयको टुङ्गो लागेको छ । नेकपा संसदीय दलका नेता इन्द्रबहादुर आङ्बो र मुख्यमन्त्री हिक्मतकुमार कार्कीबिच तीन मन्त्रालयका विषयमा सहमति जुटेको हो ।
जसमा नेकपाले भौतिक पूर्वाधार विकास मन्त्रालय, पर्यटन, वन तथा वातावरण मन्त्रालय र सामाजिक विकास मन्त्रालय पाउने टुङ्गो लागेको छ ।
यस्तै,आन्तरिक मामिला तथा कानुन मन्त्रालयमा नेकपाले दाबी गरेको छ । एमालेले भने उद्योग, कृषि तथा सहकारी मन्त्रालय लिन आग्रह गरेको छ । दलका नेता आङ्बोले आफूहरूले माग गरेको आन्तरिक मामिला मन्त्रालयमा सहमति जुट्न नसकेको बताए । नेकपाले ४ मन्त्रालय पाउने दुई पार्टीबिच यसअघि नै सहमति भएको छ ।
यसैबिच, नेकपाले तीन जना मन्त्री र एक राज्यमन्त्रीको नाम टुङ्ग्याएको स्रोतले बताएको छ । जसमा मोरङका जीवन आचार्य, सोलुखुम्बुका गोम्बु शेर्पा र इलामकी खिनु लङ्वा लिम्बू रहेका छन् ।
© 2026 All right reserved to khabarcnter.com | Site By : Sobij
