२०८२ भाद्र ९ गते सोमवार
२०८२ भाद्र ९ गते सोमवार
सप्तरी । राजविराज कारागारमा रहेका कैदीबन्दी, प्रहरी र कर्मचारीका लागि आज राजविराज जेसिजले स्यानेटाइजर, सेनेटरी प्याड र मास्क वितरण गरेको छ ।
नेपाल जेसिजका पूर्वकार्यकारिणी उपाध्यक्ष शङ्कर शारदा र राजविराज जेसिजका अध्यक्ष पुनम पोखरेलले कारागारका निमित्त प्रमुख सञ्जयकुमार रामलाई स्वास्थ्य सामग्री हस्तान्तरण गर्नुभएको हो ।
जेसिज सप्ताहको दोस्रो दिनको अवसरमा हस्तान्तरण गरिएको स्वास्थ्य सामग्रीमा १० लिटर स्यानेटाइजर, चार कार्टुन मास्क र ४० पोका सेनेटरी प्याडलगायत रहेको कार्यक्रम संयोजक सिद्धार्थ तातेडले जानकारी दिनुभयो ।
कारागारका निमित्त प्रमुख रामका अनुसार कारागारमा एक आश्रित बालक र १७ महिलासहित ३७० जना कैदीबन्दी छन् । रासस
© 2025 All right reserved to khabarcnter.com | Site By : Sobij
