२०८२ भाद्र ३ गते मंगलवार
२०८२ भाद्र ३ गते मंगलवार
सर्लाही । घरायसी विवादमा सर्लाहीमा एक व्यक्ति आफ्नै श्रीमतीको हत्या गरेका छन् ।
लालबन्दी नगरपालिका २ नवलपुर घर भई हाल हरिवन ११ मा बस्दै आएका ३५ वर्षीय विजयलाल कर्णले पत्नी ३२ वर्षीया श्रीमती उषा देवी कर्णको हत्या गरका प्रहरीले जनाएको छ ।
हरिवन नगरपालिका ११ स्थित रामबली साहको घरमा डेरा गरी बस्दै आएका कर्ण दम्पतीबीच आइतबार राति विवाद भएको थियो । सोहि क्रममा विजयलालले मसला पिस्ने सिलौटाले श्रीमती उषाको टाउकोमा प्रहार गर्दा उनको घटनास्थलमै मृत्यु भएको सर्लाहीका प्रहरी प्रवक्ता मदन कुँवरले जानकारी दिए ।
घटना लगतै पति विजयलालाई प्रहरीले नियन्त्रणमा लिएको छ । शवलाई पोस्टमार्टमको जिल्ला अस्पताल मलंगवा लगिएको र घटनाको थप अनुसन्धान सुरु गरिएको जिल्ला प्रहरी कार्यालय सर्लाहीले जनाएको छ ।
© 2025 All right reserved to khabarcnter.com | Site By : Sobij
