२०८२ भाद्र ९ गते सोमवार
२०८२ भाद्र ९ गते सोमवार
काठमाडौं । बजारमा सुनको मूल्य आज प्रतितोलामा ६ हजार ९०० रुपैयाँले बढेर २ लाख नजिक पुगेको छ ।
नेपाल सुनचाँदी व्यवसायी महासंघको अनुसार अघिल्लो दिन प्रतितोलामा १ लाख ९१ हजार रुपैयाँ कायम भएको छापावाल सुनको मूल्य आज मंगलबार बढेर प्रतितोलामा १ लाख ९७ हजार ९०० रुपैयाँ कायम भएको छ ।
अन्तर्राष्ट्रिय बजारमा सोमबार सुनको मूल्यमा भारी वृद्धि भएको छ । प्रतिऔंस ३४०० डलर नाघेको छ ।मंगलबार कारोबारको प्रारम्भमा थप मूल्य बढेर ३४८० डलर हाराहारीमा पुगेको छ ।
नेपाल सुनचाँदी व्यवसायी महासंघको अनुसार मंगलबार कायम भएको मूल्य हाल सम्म कै उच्च रहेको छ ।
चाँदीको मूल्य सामान्य बढेको छ । सोमबार तोलामा १ हजार ९६० रुपैयाँ कायम भएको चाँदीको मूल्य आज बढेर तोलामा १ हजार ९७० रुपैयाँ कायम भएको छ ।
© 2025 All right reserved to khabarcnter.com | Site By : Sobij
