२०८२ भाद्र २४ गते मंगलवार
२०८२ भाद्र २४ गते मंगलवार
भारतमा पछिल्लो २४ घण्टामा झण्डै तीन लाख कोरोना संक्रमित थपिएका छन् । केन्द्रीय स्वास्थ्य मन्त्रालयका अनुसार २४ घण्टामा २ लाख ९५ हजार ४१ जनामा संक्रमण पुष्टि भएको हो ।
भारतमा एकै दिन मृत्यु हुनेको संख्या पनि दुई हजार नाघेको छ । मंगलबार कोरोना संक्रमित २०२३ जनाको मृत्यु भएको स्वास्थ्य मन्त्रालयले जनाएको छ ।
भारतमा पछिल्लो एक हप्ता यता लगातार दुई लाख भन्दा धेरै संक्रमित फेला परिरहेका छन् । कोरोना संक्रमणका कारण अहिलेसम्म भारतमा १ लाख ८२ हजार ५ सय ५३ मानिसको मृत्यु भइसकेको छ ।
भारतमा अहिलेसम्म एक करोड ५६ लाख भन्दा धेरै मानिसमा संक्रमण भइसकेको छ । अहिले भारतमा सक्रिय कोरोना संक्रमितको संख्या २१ लाख ५७ हजार ५३८ रहेको छ ।
© 2025 All right reserved to khabarcnter.com | Site By : Sobij
