२०८२ भाद्र २ गते सोमवार
२०८२ भाद्र २ गते सोमवार
जारी टी–२० विश्वकपमा आज तीन खेल हुँदैछन् ।
पहिलो खेल नेपालले बंगलादेशसँग खेल्दैछ । सेन्ट भिसेन्टस्थित आरनोस भाले स्टेडियममा हुने यो खेल नेपाली समय अनुसार बिहान ५ः१५ बजेदेखि हुँदैछ ।
नेपाल सुपर आठको दौडबाट भने बाहिरिएको छ । नेपालले पहिलो खेलमा नेदरल्यान्ड्ससँग हार बेहोरेको थियो भने दोस्रो खेल श्रीलंकासँग वर्षाले रद्ध भएको थियो ।
त्यस्तै तेस्रो खेलमा दक्षिण अफ्रिकासँग एक रनले पराजित भएपछि नेपाल सुपरआठको दौडबाट बाहिरिएको थियो । तर बंगलादेशका लागि भने सुपर आठमा पुग्न यो खेल जित्नै पर्ने अवस्था रहेको छ । बंगलादेशको अहिले २ खेलमा ४ अंक रहेको छ र समूह ‘डी’ मा तेस्रो स्थानमा छ ।
त्यस्तै दोस्रो खेल सेन्ट लुसियास्थित डारेन सामी स्टेडियममा नेदरल्यान्ड्स र श्रीलंका बीच बिहान ६ः१५ बजेदेखि हुँदैछ । समूह ‘डी’ मा नेदरल्याड्न्स पनि सुपर आठको दौडमा कायम रहेको छ ।
नेदरल्यान्ड्स र श्रीलंकाबीचको खेल नेदरल्यान्ड्सले जितेमा र बंगलादेश नेपालसँग पराजित भएको अवस्थामा नेदरल्यान्ड्स सुपर आठमा पुग्ने अवस्था छ । यस समूहबाट श्रीलंका पनि सुपर आठको दौडबाट बाहिरिएको छ ।
त्यस्तै आज तेस्रो खेल समूह ‘सी’ अन्तर्गत न्यूजील्यान्ड्स र पिएनजीबीच हुँदैछ । नेपाली समय अनुसार राति ८ः१५ बजेदेखि हुने यो खेलको नतिजाले कुनै असर भने गर्ने छैन । किनकी समूह ‘सी’ बाट दुवै देश बाहिरीइसकेका छन् ।
© 2025 All right reserved to khabarcnter.com | Site By : Sobij
