२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । संसद्मा राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रम प्रस्तुत गरेलगत्तै प्रतिपक्षी नेपाली कांग्रेसले बैठक अवरुद्ध गर्ने भएको छ ।
आज (मंगलबार) दिउँसो सभामुख देवराज घिमिरेसँग दलका प्रमुख सचेतक र सचेतकसँग भएको छलफलका क्रममा कांग्रेसले सो कुरा राखेको हो ।
आजै साँझ ६ बजेका लागि सभामुख घिमिरेले प्रतिनिधिसभाको बैठक बोलाएका छन् । त्यसअघि ३ बजे संघीय सदनको संयुक्त बैठक बस्दैछ ।
कांग्रेसले मंगलबार नै संसदीय दलको बैठक बोलाएर नीति तथा कार्यक्रम प्रस्तुत हुँदा अवरोध नगर्ने बताएको छ ।
प्रमुख प्रतिपक्षी दल नेपाली कांग्रेसले निरन्तर बैठक अवरुद्ध गर्दै आएको छ । सहकारी प्रकरणमा उपप्रधान एवं गृहमन्त्री रवि लामिछानेसमेतको संलग्नता रहेको भन्दै कांग्रेसले संसदीय छानबिन समिति बनाउनुपर्ने माग गर्दै आएको छ ।
© 2025 All right reserved to khabarcnter.com | Site By : Sobij
