२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । प्रमुख प्रतिपक्षी नेपाली कांग्रेसको बटमलाइन छानबिन समिति गठन गर्नुपर्ने रहेको स्पष्ट पारेको छ ।
आज (शुक्रबार) बिहान बसेको कांग्रेस संसदीय दलको बैठकले उक्त निष्कर्ष निकालेको पार्टी प्रमुख सचेतक रमेश लेखकले जानकारी दिए ।
संसदीय छानबिन समितिबाट कांग्रेस एकरत्ति पछि नहट्ने निर्णय गरेको लेखकले बताए । यसलाई कांग्रेसले बटमलाइन बनाएको उनले बताए ।
‘रवि लामिछानेबारे संसदीय छानबिन समितिको मागबारे औचित्य पुष्टि भइसकेको छ । अब यो माग कांग्रेसको मात्र नभएर नेपाली जनताकै भएको छ,’ लेखकले भने, ‘यदि सरकार विपक्षको मागलाई सम्बोधन गर्न तयार भएन भने सदनका बैठक प्रभावित भएमा त्यसको जिम्मेवारी सरकारले नै लिनुपर्ने निर्णय गरेको छ ।’
उनले आजको बैठकमा आफूहरू कुरा राख्ने र त्यसपछि संसद्मा को–को बोल्न माग गर्छन् सोही अनुसार अघि बढ्ने बताए ।
गृहमन्त्री रवि लामिछाने सहकारी ठगी प्रकरणमा मुछिएको भन्दै कांग्रेसले उनीमाथि छानबिनका लागि संसदीय समिति गठन गर्नुपर्ने अडान कायमै राख्ने बताएको छ ।
© 2025 All right reserved to khabarcnter.com | Site By : Sobij
