२०८२ भाद्र १ गते आइतवार
२०८२ भाद्र १ गते आइतवार
काठमाडौं । काठमाडौंमा आजदेखि शहीद स्मारक 'सी' डिभिजन लिग फुटबल सुरु हुँदैछ । अखिल नेपाल फुटबल संघ (एन्फा)ले 'सी' डिभिजन लिग आजदेखि एन्फा कम्प्लेक्समा सुरु गर्न लागेको हो ।
एन्फा कम्प्लेक्स सातदोबाटोमा लिगको उद्घाटन खेलमा खालीबारी युथ क्लब र झापा एफसीबीच प्रतिस्पर्धा हुनेछ । लिगको पहिलो दिन आज दुई खेलहरु हुने एन्फाले जनाएको छ ।
लिगको पहिलो खेल खालीबारी र झापाबीच साढे १२ बजे सुरु हुनेछ । दोस्रो खेलमा ओसिस क्लब र चर्च ब्वाइज युनाइटेडबीच खेल हुनेछ । ओसिस र चर्चबीचको खेल साढे ३ बजे सुरु हुनेछ ।
चैत २४ गतेसम्म चल्ने लिगमा १४ टिमले प्रतिस्पर्धा गर्नेछन् । सहभागी टोलीलाई २ समूहमा विभाजन गरिएको छ । समूहको शीर्ष ३ टोलीले सुपर सिक्स चरणमा पुग्ने छन् ।
सुपर सिक्समा पुगेर शीर्ष ३ मा रहने टोली 'बी' डिभिजनमा बढुवा हुनेछन् । यस्तै समूहको पुछारमा रहेको दुई टिमले प्ले अफ खेल खेल्नेछन् । प्ले अफमा पराजित हुने टिम रेलिगेसनमा पर्नेछ ।
© 2025 All right reserved to khabarcnter.com | Site By : Sobij
