२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौँ । सर्वसाधारणका लागि माण्डु हाइड्रोपावरले आजदेखि प्रिमियम मूल्यमा आइपिओ निष्कासन गरेको छ। कम्पनीले आयोजना प्रभावित क्षेत्रका स्थानीय वासिन्दा र वैदेशिक रोजगारीमा गएकाहरुलाई आईपीओ बाँडफाँड गरिसकेको छ ।
सर्वसाधारणलाई १०० रुपैयाँ अंकित सेयरमा १०६ रुपैयाँ प्रिमियम मूल्य थपेर आईपीओ बिक्री खुलाएको हो । कम्पनीले आफ्नो जारी पूँजी १ अर्ब ३६ करोड ३६ लाख ३७ हजार रुपैयाँको २ प्रतिशतले हुन आउने सेयर बिक्री गर्ने योजना बनाएको छ ।
कम्पनीले आजदेखि स्थानीयमा बिक्री नभएको सेयरसहित गरी १३ लाख ६ हजार ३०६ कित्ता सेयर बिक्री गर्न थालेको जनाएको छ । यसमध्ये कर्मचारीलाई २८ हजार ८५३ कित्ता सेयर छुट्याइएको छ भने सामूहिक लगानी कोषलाई ७२ हजार १३३ कित्ता सेयर छुट्याइएको छ ।
बाँकी रहेको १२ लाख ५ हजार ३२० कित्ता सेयरमा सर्वसाधारणले आवेदन दिन सक्नेछन् । कम्पनीले स्थानीय बासिन्दाका लागि २ लाख ७२ हजार ७३० कित्ता सेयर बिक्री खुलाएको थियो । तर, ७९ हजार कित्ता सेयर भने बिक्री भएको थिएन ।
© 2025 All right reserved to khabarcnter.com | Site By : Sobij
