२०८२ भाद्र १० गते मंगलवार
२०८२ भाद्र १० गते मंगलवार
काठमाडौँ । नेपालमा सात लाख ८५ हजार ४६० जना बालबालिकाको आँखा परीक्षण गर्दा ३२ हजार जनामा दृष्टिदोषको समस्या देखिएको छ ।
नेपाल नेत्रज्योति सङ्घ र अर्विसको सहकार्यमा सञ्चालित नेपाल रिच परियोजनाअन्तर्गत गरिएको परीक्षणमा ठूलो संख्यामा दृष्टिदोषको समस्या देखिएको हो ।
परियोजनामार्फत झापा मोरङ, पर्सा, सुनसरी र सिराहा जिल्लाका सात लाख ८५ हजार ४६० जना बालबालिकाको नि:शुल्क आँखा परीक्षण गरिएको थियो । सन् २०१८ देखि २०२२ सम्म चलेको परियोजना मार्फत ६ देखि १८ वर्षसम्मका दुई हजार ५५५ वटा निजी तथा सामुदायिक विद्यालयहरूमा आँखा परीक्षण गरिएको थियो ।
जाँचका क्रममा दृष्टिमा समस्या देखिएका २० हजार ३८० जना बालबालिकालाई नि:शुल्क चस्मा वितरण गरिएको संघले जनाएको छ । त्यस्तै, २०१ जना बालबालिकाको शल्यक्रियामार्फत आँखाको उपचार गरिएको थियो ।
© 2025 All right reserved to khabarcnter.com | Site By : Sobij
