२०८२ भाद्र १ गते आइतवार
२०८२ भाद्र १ गते आइतवार
भारतीय अभिनेता अमिताभ बच्चनले सञ्चालन गर्ने लोकप्रिय कार्यक्रम “कौन बनेगा करोडपति” अहिले १२ औं संस्करणमा छ। कार्यक्रमले बुधबार १२ औं संस्करणको पहिलो करोडपति पाएको छ।
दिल्लीकी नाजिया नसिम १२ औं संस्करणको पहिलो करोडपति बन्न सफल भएको भारतीय संचार माध्यम हिन्दुस्तान टाइम्सले लेखेको छ। नाजियाको खेल मंगलबारको एपिसोडमा सुरू भएको थियो भने यो बुधबारसम्म लम्बियो।
१५ औं प्रश्न मनोरञ्जन क्षेत्रबाट थियो : कुन अभिनेत्रीले एक समय राष्ट्रिय फिल्म पुरस्कार अन्तर्गत् उत्कृष्ट पार्श्व गायिकाको अवार्ड जितेकी थिइन्?
जवाफ बताइन् : रुपा गांगुली। र, जितिन् एक करोड।
१ करोड जितेसँगै नाजियाले इन्डिया एक्सप्रेससँग कुरा गर्दै आफ्नो २० वर्ष अघिदेखिको सपना पूरा भएको बताएकी छिन्।
“यो कार्यक्रम प्रश्न(उत्तरको खेल मात्र होइन, नाजियाले भनेकी छन्, “मध्यमवर्गीय परिवारमा जन्मे हुर्केकाहरुका लागि यो कार्यक्रम एउटा आकांक्षा पनि हो । यो कार्यक्रमले हामीलाई आफैंभित्रको प्रतिभा चिन्ने र देखाउने मौका दिन्छ।कार्यक्रमको हटसिटमा बस्ने सपना धेरैको हुन्छ ।”
उनले यो उपलब्धी हात पार्नुमा आफ्नी आमाले निरन्तर प्रेरित गरेको समेत बताएकी छन् ।
© 2025 All right reserved to khabarcnter.com | Site By : Sobij
