२०८२ माघ १० गते शनिवार
२०८२ माघ १० गते शनिवार
काठमाडौं । गुरुकुल नाटकघरमा आजदेखि ‘तारा बाजी लै लै...’ नाटक मञ्चन हुँदैछ । नर्बेजियन रंगकर्मी मोर्टन क्रोगको निर्देशनमा तयार भएको नाटक विद्यार्थी जीवनमा केन्द्रित रहेको रंगकर्मी निशा शर्मा बताउँछिन् ।
“यो स्कुल सुरु हुँदादेखि अर्थात नर्सरीमा भर्ना भएदेखि स्कुल अन्तिम समय कक्षा १० सम्मको यात्रा हो । जहाँ विद्यार्थीहरूले स्कुलको दिनदेखि अन्तिम दिनसम्म गरिने बदमासीदेखि रमाइला पलहरू नाटकमा हेर्न सकिन्छ,” रंगकर्मी शर्माले बताइन् ।
यस नाटकका निर्देशक क्रोगको दुई वर्षअघि मात्रै निधन भएको थियो । यसकारण योपटक यो नाटकको निर्देशनको समन्वय रंगकर्मी सुनिल पोखरेलले गरेका हुन् । बाँकी पहिलाको भिडियो हेरेर पनि रंगकर्मीहरूले रिहर्सल गरेको शर्माले बताइन् ।
नाटकमा १८ जना कलाकारहरू छन् । म्युजिक पनि केही फेरबदल गरेर उत्सव बुढाथोकीको समन्वयमा तयार पारिएको हो ।
थापागाउँमा अवस्थित कुञ्ज नाटक घरमा चैत १३ गतेसम्म नाटक मञ्चन हुनेछ । सोमबारबाहेक हरेक दिन ५ः३० बजे नाटक मञ्चन हुने छ ।
© 2026 All right reserved to khabarcnter.com | Site By : Sobij
