२०८२ भाद्र १९ गते बिहिवार
२०८२ भाद्र १९ गते बिहिवार
काठमाडौँ । निर्देशक विनोद पौडेलले चलचित्र ‘रबर सिटी’ बनाउने भएका छन् । उनले चलचित्रको फर्स्ट लुक जारी गर्दै चलचित्रको विषयमा जानकारी दिएका हुन् ।
अमेरिकामा छायांकन हुने चलचित्रमा कलाकारहरू विक्रमकुमार शर्मा, सुशांक मैनाली र राधा लम्साल फाइनल भएका छन् ।
चलचित्रमा अविरल थापाको निर्माण रहने छ भने अङ्कित पौडेलले छायांकन गर्नेछन् । चलचित्रमा अविरलबाहेक किर्तना बास्कोटा, यतिन परखानी, भक्त रिजाल र राजु पौडेल निर्माताको रूपमा रहनेछन् । चलचित्र अवेकन प्रोडक्सन र बास्कोटा प्रोडक्सनले संयुक्त रूपमा निर्माण गर्नेछन् । चलचित्रको पटकथा विनोदले लेखेका हुन् । यो चलचित्रले भुटानी शरणार्थीको कथा बोल्ने बताइएको छ ।
यस अघि पौडेलको निर्देशनमा बनेको चलचित्र ‘बुलबुल’ लाई समीक्षक र दर्शकले मन पराएका थिए ।
© 2025 All right reserved to khabarcnter.com | Site By : Sobij
