२०८३ मंसिर ५ गते शनिवार
काठमाडौं । देशभरको मौसम आज मुख्यतया सफा रहनेछ । कुनै पनि मौसमी प्रणालीको उल्लेख्य प्रभाव नरहँदा वर्षा र हिमपातको सम्भावना छैन ।
नेपाल मौसम विज्ञान विभागका अनुसार दिउँसो लुम्बिनी, कर्णाली र सुदूरपश्चिम प्रदेशका सबै क्षेत्रमा साथै देशको हिमाली भूभागमा आंशिक बादल लाग्नेछ ।
कोसी प्रदेशको तराई क्षेत्रमा तथा मधेस प्रदेशमा आंशिक बादल लाग्नेछ । बाँकी क्षेत्रमा मौसम मुख्यतया सफा रहनेछ ।
विभागले राति कोसी प्रदेशको तराई क्षेत्रलगायत कर्णाली र सुदूरपश्चिम प्रदेशको हिमाली तथा गण्डकी प्रदेशको हिमाली र पहाडी क्षेत्रमा आंशिक बादल लाग्ने बताएको छ ।
तराई भूभाग, उपत्यका तथा खोँचहरूमा बिहानपख थोरै स्थानमा हुस्सु र कुहिरो लाग्ने पूर्वानुमान छ ।
© 2026 All right reserved to khabarcnter.com | Site By : Sobij