Logo

२०८३ मंसिर २ गते बुधवार

२०८३ मंसिर २ गते बुधवार

चिनियाँ नागरिक पक्राउ

काभ्रेको ह्वाइट पार्क रिसोर्टमा प्रहरीको छापा, ३६ चिनियाँ नागरिक पक्राउ

काभ्रेको ह्वाइट पार्क रिसोर्टमा प्रहरीको छापा, ३६ चिनियाँ नागरिक पक्राउ


  • 477
    Shares

    • images
    काभ्रेको ह्वाइट पार्क रिसोर्टमा प्रहरीको छापा, ३६ चिनियाँ नागरिक पक्राउ

    काठमाडौं । काभ्रेपलाञ्चोकको पाँचखाल नगरपालिका–७ स्थित ह्वाइट पार्क रिसोर्टमा प्रहरीले छापा मारेर ३६ जना चिनियाँ नागरिकलाई नियन्त्रणमा लिएको छ ।

    जिल्ला प्रशासन कार्यालय र जिल्ला प्रहरी कार्यालय काभ्रेपलाञ्चोकको संयुक्त टोलीले रिसोर्टमा छापा मार्ने क्रममा उनीहरूलाई नियन्त्रणमा लिएको हो । चिनियाँ नागरिकहरूको गतिविधि शंकास्पद रहेको भन्दै गुनासो आएपछि प्रहरीले छापा मारेको जनाएको छ ।

    जिल्ला प्रहरी कार्यालय काभ्रेपलाञ्चोकका सूचना अधिकारी डीएसपी रविन विष्टका अनुसार नियन्त्रणमा लिइएकाहरूबाट केही थान ल्यापटप र मोबाइलसमेत बरामद गरिएको छ । नियन्त्रणमा लिइएका ३६ जनामध्ये ३१ जना पुरुष र ५ जना महिला रहेका छन् ।

    छापा मार्ने क्रममा रिसोर्टका दुईवटा कोठा शंकास्पद देखिएपछि थप अनुसन्धानका लागि प्रहरीको केन्द्रीय अनुसन्धान ब्युरो (सीआईबी) बाट अनुसन्धान टोलीसमेत बोलाइएको डीएसपी विष्टले जानकारी दिए ।

    जिल्ला प्रशासन कार्यालयको टोलीको नेतृत्व अधिकृत सुनिता थापाले गरेकी थिइन् भने प्रहरी टोलीको नेतृत्व डीएसपी विष्टले गरेका थिए ।

    घटनाबारे प्रहरीले थप अनुसन्धान तथा आवश्यक कानुनी प्रक्रिया अघि बढाएको जनाएको छ ।

    प्रकाशित मिति :मंसिर १ २०८३ मंगलवार - १६:२०:२८ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2026 All right reserved to khabarcnter.com | Site By : Sobij