२०८३ आश्विन २६ गते सोमवार
२०८३ आश्विन २६ गते सोमवार
.gif)
काठमाडौं । ग्यास सिलिन्डर साट्ने ठाउँ थप गरिएको छ । नेपाल एलपी ग्यास उद्योग संघले आजदेखि ११ वटा केन्द्रबाट ग्यास सिलिन्डर साटफेर गर्न पाइने व्यवस्था मिलाएको हो ।
यसअघि ६ ठाउँबाट ग्यास सिलिन्डर साटफेर गर्न पाइने व्यवस्था गरिएको थियो । आजदेखि भने काठमाडौंको बुढानीलकण्ठ, ललितपुर, कलंकी, खसीबजार र सतुंगल केन्द्र थप गरिएको हो ।
नयाँ वितरण केन्द्रहरूमा बुढानीलकण्ठको चपलीमा भानु ग्यास, ललितपुरको हरिसिद्धि नेपाल र एचपी ग्यास, कलंकीमा गीता ग्यास, खसीबजारस्थित नरके ट्रेडर्समा सीताश्री ग्यास र सतुंगलमा श्रीमाया ग्यास साट्न पाइने व्यवस्था मिलाइएको छ ।
ग्यास सिलिन्डर बिहान ११ बजेदेखि दिउँसो साढे ४ बजेसम्म साट्न पाइने व्यवस्था गरिएको छ । यसरी ग्यास साटफेर असोज ३० गतेसम्म पाइने संघले जनाएको छ ।
© 2026 All right reserved to khabarcnter.com | Site By : Sobij
