२०८३ आश्विन १८ गते आइतवार
२०८३ आश्विन १८ गते आइतवार
.gif)
काठमाडौं । पर्साको ठोरी गाउँपालिकामा-४ मा जंगली हात्तीले आतंक मच्चाएको छ ।
पर्सा राष्ट्रिय निकुञ्जबाट गाउँपसेको हात्तीले ठोरी गाउँपालिका-४ मा आतंक मच्चाउने गरेको कुसुमवाटिका मध्यवर्ती उपभोक्ता समितिका अध्यक्ष बुद्ध पाख्रिनले जानकारी दिए ।
गएराति गाउँ पसेको हात्तीले स्थानीयको घर भत्काउन खोजेपछि भाग्ने क्रममा दुई जना घाइते भएको पाख्रिनले जानकारी दिए ।
उनका अनुसार घाइते हुनेमा ठोरी गाउँपालिका-४ का ७२ वर्षीया पाँचमाया स्याङ्बो र उनकी नातिनी रहेका छन् । रातिको समयमा हात्ती सिधै घरतिर आएको देखेपछि सुरक्षाका लागि भागेर छिमेकीको घरमा जानेक्रममा उनीहरू घाइते भएको उनले बताए ।
उनले भने, ‘हात्तीले उनीहरूलाई पछ्याउँदै गएको रहेछ । उनीहरू छिमेकीको घरमा पस्ने क्रममा हात्तीले घरको पाली नै फाल्दा हजुरआमा र नातिनी घाइते भएका हुन् ।’
गएराति मात्रै दुई पटकसम्म हात्ती गाउँ छिरेको उनको भनाइ छ । हात्तीले स्थानीयको एउटा घर समेत भत्काएको छ । घर भत्काएर भण्डारण गरी राखेको खाद्यान्न तथा उखुबालीमा क्षति गरेको पाख्रिनले बताए ।
गाउँपसेर उपद्रो मच्चाउने जंगली हात्ती अत्यन्तै उग्र र आक्रामक अवस्थामा देखिएको उनले बताए । पछिल्लो केही दिनयता रातको समयमा जंगली हात्ती गाउँपसेर उपद्रो मच्चाउँदा जनजीवन त्रसित बनेको उनले बताए ।
© 2026 All right reserved to khabarcnter.com | Site By : Sobij
