२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । कपिलवस्तुको शिवराज नगरपालिका–१ चोरखोलामा सडक माथिबाट ढुंगा खस्दा बसमा सवार चार जना घाइते भएका छन् ।
मंगलबार राति चितवनबाट बर्दियातर्फ जाँदै गरेको सु.प.प्र. ०१–००१ ख ३७७० नम्बरको बसमा अचानक सडक माथिबाट ढुंगा खसेको थियो । ढुंगाले लागेर बसमा सवार ३० जनामध्ये चार जना सिटले च्यापिएर घाइते भएका थिए ।
घटनाको जानकारी पाएपछि सशस्त्र प्रहरी बल, नेपाल नं. २९ ज्वालामाई गण दाङबाट सशस्त्र प्रहरी नायब उपरीक्षक बाबुराम थापाको कमान्डमा खटिएको टोलीले सिटले च्यापिएका चारै जनाको उद्धार गरेको हो ।
उद्धार गरिएकामा बर्दियाको गेरुवा गाउँपालिका–२ का ३७ वर्षीय द्ववारीका प्रसाद थारु र ३५ वर्षीय सुरेशलाल थारु, चितवनको भरतपुर महानगरपालिका–११ की २० वर्षीया सलिना सुनार तथा कञ्चनपुरको भीमदत्त नगरपालिका–१० की ४० वर्षीया भगवती कँडेल रहेका छन् ।
उनीहरूलाई उपचारका लागि दाङस्थित भालुवाङ अस्पताल पुर्याइएको छ । घाइते चारै जनाको अवस्था सामान्य रहेको प्रहरीले जनाएको छ ।
© 2026 All right reserved to khabarcnter.com | Site By : Sobij
