२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । पूर्वप्रधान न्यायाधीशलाई जेनजी युवाहरूबाट धम्की आएको भन्दै प्रहरीले गरेको दाबीबारे जेनजी अगुवा मिराज ढुङ्गानाले गृहमन्त्री सुधन गुरुङलाई ज्ञापनपत्र बुझाएका छन् । सोमबार ढुङ्गानाले गृह मन्त्रालय र मन्त्रालयका जिम्मेवार अधिकारीहरूलाई इमेल गरेर ज्ञापनपत्र पठाएका हुन् ।
उनले ज्ञापनपत्रमा विषयको वास्तविकता, स्रोत र कानुनी प्रक्रियाबारे थप तथ्य सार्वजनिक गर्न माग गरेका छन् । पत्रमा ‘जेनजी’ कुनै व्यक्ति, ग्याङ वा गिरोह नभई एउटा निश्चित उमेर समूह मात्र भएको स्पष्ट पारिएको छ ।
‘देशमा ७२ लाख जेनजी उमेर समूहका व्यक्ति छन्, यो समूह हरेक पार्टी, अभियान र १० कक्षादेखि मास्टर डिग्रीसम्म अध्ययनरत छन्’ पत्रमा भनिएको छ, ‘जेनजी भनेर दोषारोपण गर्दा सम्पूर्ण ७२ लाख नागरिक र नाबालिकलाई आरोप लगाएको हुन्छ, त्यसैले यो स्पष्ट गरिनुपर्छ ।’
त्यस्तै, उनले धम्की दिने कुनै व्यक्ति वा समूहविरुद्ध कानुनी प्रक्रिया अगाडि बढाएको कानुनी आधार र सम्पूर्ण ‘जेनजी’ पुस्तालाई नै शङ्काको घेरामा पार्ने अवस्थाबारे मन्त्रालयको दृष्टिकोणबारे स्पष्ट पार्न भनेका छन् ।
© 2026 All right reserved to khabarcnter.com | Site By : Sobij
