२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ र गैरआवासीय नेपाली सङ्घ (एनआरएनए) का प्रतिनिधिबिच भेटवार्ता भएको छ ।
सोमबार एनआरएनएका महासचिव डा। चिरञ्जीवी खड्काको नेतृत्वको प्रतिनिधिमण्डलले संयोजक प्रचण्डसँग भेटवार्ता गरेको हो ।
त्यसक्रममा बाढी प्रभावित क्षेत्रमा सङ्घको तर्फबाट हालसम्म चालिएका राहत तथा उद्धारका कदमबारे जानकारी गराउँदै आगामी दिनमा थप सहयोग गर्ने प्रतिबद्धता व्यक्त गरेको छ । संयोजक प्रचण्डले सङ्कटको समयमा एनआरएनएले पुर्याउने मानवीय सहायताको उच्च प्रशंसा गरेको नेकपाले जनाएको छ ।
भेटका क्रममा विदेशमा बसोबास गर्ने नेपालीहरूका लागि वंशजको नागरिकताको निरन्तरता अपरिहार्य रहेको विषयलाई प्रतिनिधिमण्डलले उठाएको थियो । जवाफमा सकारात्मक प्रतिक्रिया दिँदै संयोजक प्रचण्डले गैरआवासीय नेपालीहरूको वंशजको नागरिकताको मुद्दामा आफू सुरुवाती दिनदेखि नै सकारात्मक रहेको स्पष्ट पारेका छन् ।
संयोजक प्रचण्डले यससम्बन्धी व्यवस्था गर्दा राजनीतिक बाहेकका आर्थिक, सामाजिक र सांस्कृतिक अधिकारहरू सुनिश्चित गर्न सकिने विषयमा आफू स्पष्ट रहेको बताउँदै नेपाली मूलका नागरिकहरूको पहिचान स्थापित गर्न नीतिगत तहमा आवश्यक पहल गर्ने दृढ आश्वासन दिएका छन् ।
© 2026 All right reserved to khabarcnter.com | Site By : Sobij
