२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । नारायणी नदीमा आएको बाढीका कारण पश्चिम नवलपरासीको सुस्ता गाउँपालिका–५ का विभिन्न बस्ती डुबानमा परेका छन् । बाढी बस्तीमा पसेपछि थारुटोल, सैनिक टोल, पहाडी टोल र बड्का टोलका करिब १७० घरधुरी प्रभावित भएका छन् ।
बाढी प्रभावित क्षेत्रबाट नेपाल प्रहरीले वृद्धवृद्धा, महिला तथा बालबालिकासहित करिब ४०० जनालाई उद्धार गरी सुरक्षित स्थानमा स्थानान्तरण गरेको छ । उनीहरूलाई विपद् व्यवस्थापन भवनमा राखिएको छ ।
नदीको बहाव अझै बढिरहेको भन्दै प्रहरीले जोखिममा रहेका थप नागरिकलाई सुरक्षित स्थानमा सार्ने काम जारी राखेको जनाएको छ । बाढीका कारण इलाका प्रहरी कार्यालय, सुस्ताको परिसरसमेत डुबानमा परेको छ । कार्यालयमा रहेका हातहतियार तथा अन्य प्रहरी सामग्री सुरक्षित स्थानमा सारिएको प्रहरीले जनाएको छ ।
उद्धार तथा राहतका लागि जिल्ला प्रहरी कार्यालय नवलपरासी पश्चिम, इलाका प्रहरी कार्यालय सुस्ता र बेलाटारी, सशस्त्र प्रहरी बल तथा नेपाली सेनाका टोली विपद् उद्धार सामग्रीसहित परिचालन भएका छन् । हालसम्म बाढीबाट मानवीय तथा पशुचौपायमा क्षति भएको विवरण प्राप्त नभएको प्रहरीले जनाएको छ ।
© 2026 All right reserved to khabarcnter.com | Site By : Sobij
