२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । निरन्तरको वर्षाका कारण काठमाडौंको टेकुस्थित कालोपुल क्षेत्रको कोरिडोर सडक डुबानमा परेको छ । नदीमा पानीको बहाव बढेपछि सडक जलमग्न हुँदा सो क्षेत्रमा आवतजावत प्रभावित भएको हो ।
लगातारको वर्षाका कारण काठमाडौं उपत्यकाका नदी तथा खोलामा पानीको सतह बढ्दै गएको छ । टेकु क्षेत्रको कोरिडोरमा पानी जम्दा सवारीसाधन सञ्चालनमा समेत समस्या भएको छ ।
जल तथा मौसम विज्ञान विभागका अनुसार हाल नेपालमा मनसुनी वायुका साथै पश्चिमी वायुको आंशिक प्रभाव रहेको छ । भारतको उत्तर महाराष्ट्र तथा छत्तीसगढ आसपास रहेको बलियो न्यूनचापीय प्रणालीको प्रभावसमेत नेपालमा परेको विभागले जनाएको छ ।
हाल देशभर अधिकांश क्षेत्रमा बदली रहेको छ भने बागमतीसहित कोशी, मधेस, गण्डकी र लुम्बिनी प्रदेशका धेरै स्थानमा तथा कर्णाली र सुदूरपश्चिमका केही स्थानमा हल्कादेखि मध्यम वर्षा भइरहेको छ ।
लगातारको वर्षाका कारण काठमाडौं उपत्यकाका नदी किनार तथा कोरिडोर क्षेत्रमा डुबानको जोखिम बढेकाले यात्रुलाई सतर्कता अपनाउन आग्रह गरिएको छ ।
© 2026 All right reserved to khabarcnter.com | Site By : Sobij
