२०८३ आश्विन ८ गते बिहिवार
२०८३ आश्विन ८ गते बिहिवार
.gif)
काठमाडौं । इन्द्रजात्राको अवसरमा काठमाडौंको वसन्तपुर दरबार क्षेत्रमा सामूहिक कुमारी पूजा गरिएको छ । इन्द्रजात्रा सुरु भएको संकेतका रूपमा योःसी ठड्याइएको भोलिपल्ट कुमारी पूजा गर्ने परम्पराअनुसार शुक्रबार पूजा गरिएको हो ।
तलेजु भवानी मन्दिर अगाडि महिनावारी सुरु नभएका बालिकाहरूलाई वैदिक विधिअनुसार सामूहिक रूपमा कुमारीका रूपमा पूजा गरिएको हो । नेवार समुदायमा यस्तो पूजा गर्दा सुख, शान्ति र समृद्धि प्राप्त हुने धार्मिक विश्वास छ ।
ईही (बेल विवाह) नगरेका २ देखि ८ वर्ष उमेर समूहका बालिकालाई कुमारीका रूपमा पूजा गर्ने प्रचलन रहेको छ । पूजामा सहभागी बालिकाहरूलाई हनुमानढोकास्थित तलेजु भवानी मन्दिरको परिक्रमा गराई पुनः पूजा गर्ने परम्परा पनि रहेको छ ।
कुमारी पूजा गरेपछि बालिकाहरूलाई तलेजु भवानीले रक्षा गर्ने तथा रोगव्याधिबाट सुरक्षित राख्ने जनविश्वास रहेको छ । इन्द्रजात्राका विभिन्न धार्मिक तथा सांस्कृतिक विधिमध्ये कुमारी पूजा पनि महत्वपूर्ण परम्पराका रूपमा मनाइँदै आएको छ ।
© 2026 All right reserved to khabarcnter.com | Site By : Sobij
