२०८३ आश्विन ६ गते मंगलवार
२०८३ आश्विन ६ गते मंगलवार
.gif)
चितवन । चितवन राष्ट्रिय निकुञ्जमा जंगली भाले हात्ती ‘रोनाल्डो’ मृत अवस्थामा भेटिएको छ । रोनाल्डो विषहजारी पोस्टनजिकै मृत भेटिएको हो ।
रोनाल्डोको मृत्युको कारण खुलिसकेको छैन । घटनाबारे चितवन राष्ट्रिय निकुञ्जको टोलीले स्थलगत अनुसन्धान गरिरहेको छ । मृत्युको कारण अनुसन्धानपछि मात्र यकिन हुने निकुञ्जका संरक्षण अधिकृत एवं सूचना अधिकारी अविनाश थापामगरले बताए ।
सौराहा–खोरसोर क्षेत्रको ‘सेलिब्रिटी’का रूपमा परिचित रोनाल्डोले त्यहाँस्थित हात्ती प्रजनन तथा तालिम केन्द्रमा लामो समयदेखि प्रभाव जमाएको थियो । केन्द्रमा जन्मिएका धेरै छावाको पिता रोनाल्डो नै रहेको निकुञ्जका प्रमुख संरक्षण अधिकृत दिलबहादुर पुर्जापुनले बताए ।
करिब ५३ वर्ष उमेरको अनुमान गरिएको रोनाल्डोको शरीरमा अरू हात्तीसँगको संघर्षका चिह्न समेत थिए । उसको पुच्छर समेत संघर्षकै क्रममा गुमेको थियो ।
रोनाल्डोको मृत्युसँगै सौराहा–खोरसोर क्षेत्रको चर्चित जंगली भाले हात्तीको एउटा परिचित कथा समाप्त भएको छ । मृत्युको वास्तविक कारण अनुसन्धानपछि मात्र स्पष्ट हुने निकुञ्जले जनाएको छ ।
© 2026 All right reserved to khabarcnter.com | Site By : Sobij
