२०८३ भाद्र ८ गते सोमवार
२०८३ भाद्र ८ गते सोमवार
.gif)
काठमाडौं । जबरजस्ती करणी मुद्दामा इन्टरपोलबाट ‘रेड नोटिस’ जारी भएका फरार प्रतिवादी झापाको बिर्तामोड नगरपालिका–३ का विमल राजवंशी पक्राउ परेका छन् ।
एनसीबी मस्कटको समन्वयमा ओमानबाट पक्राउ गरिएका उनलाई सम्बन्धित मुद्दामा कारबाही गर्ने/गराउने प्रयोजनार्थ आइतबार (भदौ ७) दिउँसो नेपाल फिर्ता ल्याइएको प्रहरी प्रधान कार्यालयले जानकारी गराएको छ ।
उक्त मुद्दामा संलग्न रही फरार रहेका उनलाई अन्तर्राष्ट्रियस्तरमा खोजतलास एवम् पक्राउ गर्नका निम्ति एनसीबी काठमाडौंको आग्रहमा इन्टरपोल महासचिवालयबाट ०८३ वैशाख ३० गते रेड नोटिस जारी भएको थियो ।
उनलाई सम्बन्धित कसुरबमोजिम कानुनी कारबाहीका निम्ति जिल्ला प्रहरी कार्यालय झापामा बुझाइने प्रधान कार्यालयको इन्टरपोल शाखाले जनाएको छ ।
© 2026 All right reserved to khabarcnter.com | Site By : Sobij
