आज घट्यो सुनचाँदीको मूल्य

श्रावण २७, २०८३ बुधवार

547

काठमाडौं । साताको चौथो कारोबारको दिन बुधवार नेपाली बजारमा सुनको मूल्य सामान्य घटेको छ । नेपाल सुनचाँदी व्यवसायी महासंघका अनुसार बुधबार सुनको मूल्य प्रतितोला १ हजार २०० ले घटेको हो ।

महासंघका अनुसार आज छापावाल सुन प्रतितोला ३ लाख ६ हजार ७०० मा कारोबार भइरहेको छ । मंगलबार छापावाल सुन प्रतितोला ३ लाख ७ हजार ९०० मा कारोबार भएको थियो ।

त्यस्तै, आज १० ग्राम सुनको मूल्य २ लाख ६२ हजार ९४५ कायम भएको महासंघले जनाएको छ । मंगलबार १० ग्राम सुनको मूल्य २ लाख ६३ हजार ९७५ थियो ।

सुनसँगै चाँदीको मूल्य पनि घटेको छ । महासंघका अनुसार आज चाँदी प्रतितोला ४ हजार ७४५ मा कारोबार भइरहेको छ । मंगलबार चाँदी प्रतितोला ४ हजार ७८० थियो । यसअनुसार चाँदीको मूल्य प्रतितोला ३५ ले घटेको हो ।

महासंघले आजका लागि १० ग्राम चाँदीको मूल्य ४ हजार ६८ कायम गरेको छ । मंगलबार १० ग्राम चाँदीको मूल्य ४ हजार ९८ थियो ।