२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । पार्टी पुनर्गठनसम्बन्धी उपाध्यक्ष रामबहादुर थापा ‘बादल’ नेतृत्वको कार्यदल प्रतिवेदन ‘होल्ड’ गरेका एमाले अध्यक्ष केपी शर्मा ओलीले भदौ दोस्रो सातासम्म केन्द्रीय कमिटी बैठक बोलाउने तयारी गरेका छन् ।
केन्द्रीय कमिटी बैठकअघि भदौ पहिलो साता सचिवालय बैठक बोलाउने र त्यसपछि केन्द्रीय कमिटी बैठक बोलाउनेबारे ओलीले आन्तरिक छलफल चलाएको ओली निकट स्रोतले जनाएको हो ।
एमाले प्रचार तथा प्रकाशन विभाग प्रमुख नीरज आचार्यले केन्द्रीय कमिटी बैठकअघि सचिवालय बैठकले केन्द्रीय कमिटी बैठकको मिति तय गर्नसक्ने बताए । उपाध्यक्ष थापा नेतृत्वको कार्यदलले तयार पारेको प्रतिवेदन मस्यौदा अध्यक्ष ओलीले लामो समयदेखि होल्ड गरेर राखेका छन् ।
कार्यदलका सदस्यसचिव रहेका महासचिव शंकर पोखरेलले प्रतिवेदन मस्यौदा तयार गरेका थिए । तयार मस्यौदा पोखरेलले संयोजक थापालाई अध्ययन गर्न दिएका थिए तर थापाले उक्त मस्यौदा अध्यक्ष ओलीलाई बुझाएका थिए ।
© 2026 All right reserved to khabarcnter.com | Site By : Sobij
