२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । प्रतिनिधिसभाले ‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ बहुमतले पारित गरेको छ ।सोमबार बसेको प्रतिनिधिसभाको बैठकमा राज्य व्यवस्था तथा सुशासन समितिको प्रतिवेदनसहितको विधेयक पारित गरिएको हो ।
बैठकमा सभामुख डोलप्रसाद अर्यालले विधेयकको दफा २ अन्तर्गत रहेको साविकको व्यवस्था जगाउने सम्बन्धी प्रावधान निर्णयार्थ प्रस्तुत गरेका थिए । उक्त दफाको पक्षमा बहुमत सांसदहरूले ‘हुन्छ’ भनी ध्वनि मत दिएपछि सभामुख अर्यालले विधेयक पारित भएको घोषणा गरेका हुन् ।
राज्य व्यवस्था तथा सुशासन समितिमा भएको दफावार छलफलका क्रममा विधेयकमा कुनै संशोधन प्रस्ताव नपरेकाले प्रतिवेदनमाथि थप निर्णय आवश्यक नरहेको सभामुखले जानकारी गराएका थिए ।
विधेयक पारित हुनुअघि यसको प्रस्तावना र नामसमेत सदनबाट अनुमोदन गरिएको थियो । विधेयक पारित भएसँगै नेपाल विशेष सेवा (गुप्तचरी निकाय) सम्बन्धी २०४२ सालको ऐनका केही कानुनी व्यवस्थाहरू पुनः लागू हुने भएका छन् ।
सरकारले राष्ट्रिय सुरक्षा र सूचना संकलन प्रणालीलाई थप प्रभावकारी बनाउन साविकका व्यवस्थाहरू पुनर्जीवित गर्न यो विधेयक ल्याएको जनाएको छ ।
© 2026 All right reserved to khabarcnter.com | Site By : Sobij
