२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । नेपाल विद्युत् प्राधिकरणले प्राविधिक कामका कारण शनिबार केही जिल्लामा अस्थायी रूपमा विद्युत् आपूर्ति बन्द हुने जनाएको छ ।
प्राधिकरणका अनुसार मोरङस्थित केरौन १३२\३३ केभी सबस्टेशनका उपकरण परीक्षण तथा दुहबी–दमक १३२ केभी प्रसारण लाइनअन्तर्गत केरौनस्थित टावर नं। ६८-६९ बीच डेड एन्ड टावर जडान कार्य गर्नुपर्ने भएकाले विद्युत् सेवा प्रभावित हुने भएको हो ।
विद्युत् आपूर्ति शनिबार बिहान ४ बजेदेखि दिउँसो ४ बजेसम्म बन्द रहने प्राधिकरणले जनाएको छ । यस अवधिमा झापा, इलाम, पाँचथर र ताप्लेजुङका सम्पूर्ण क्षेत्र तथा मोरङको उर्लाबारी, पथरी र आसपासका क्षेत्रमा विद्युत् सेवा प्रभावित हुनेछ ।
प्राधिकरणले निर्धारित प्राविधिक काम सम्पन्न भएपछि विद्युत् आपूर्ति यथाशीघ्र सञ्चालनमा ल्याइने जनाएको छ । काम तोकिएको समयभन्दा अगावै सकिएमा सेवा पनि समयमै सुचारु गरिने बताइएको छ ।
विद्युत् सेवा अवरुद्ध हुँदा ग्राहकमा पर्न जाने असुविधाप्रति नेपाल विद्युत् प्राधिकरणले क्षमायाचना गरेको छ ।
© 2026 All right reserved to khabarcnter.com | Site By : Sobij
