२०८३ आश्विन ६ गते मंगलवार
२०८३ आश्विन ६ गते मंगलवार
.gif)
काठमाडौं । पाकिस्तानस्थित ८०४७ मिटर उचाईको ‘ब्रोड पिक’ हिमाल आरोहणको क्रममा मृत्यु भएका चर्चित पर्वतारोही पुरबहादुर गुरुङको शव आज नेपाल ल्याइने भएको छ ।
पाकिस्तानस्थित नेपाली दूतावासको समन्वयमा गुरुङको शव नेपाल ल्याउने प्रक्रिया अघि बढाइएको हो । उनको शव आज काठमाडौं आइपुग्ने जनाइएको छ ।
पाकिस्तानको काराकोरम क्षेत्रमा रहेको ब्रोड पिक आरोहणका क्रममा हिमपहिरोमा परी गुरुङसहित केही पर्वतारोही बेपत्ता भएका थिए । उद्धार टोलीले खोजी गर्ने क्रममा गुरुङसहित केही आरोहीको शव फेला पारेको थियो ।
ब्रोड पिक दुर्घटनामा नेपालीसहित पाकिस्तान, ओमान, चीन र अमेरिकाका पर्वतारोही प्रभावित भएका थिए । दुर्घटनापछि उद्धार तथा शव पहिचानको काम पाकिस्तानका सम्बन्धित निकाय र पर्वतारोहण संस्थाहरूको समन्वयमा गरिएको थियो ।
गुरुङको शव नेपाल ल्याएपछि परिवारलाई बुझाउने तयारी गरिएको छ । सरकारले पनि आवश्यक समन्वय र सहजीकरण गरिरहेको जनाएको छ ।
© 2026 All right reserved to khabarcnter.com | Site By : Sobij
