२०८२ माघ १४ गते बुधवार
२०८२ माघ १४ गते बुधवार
काठमाडौं । ललिता निवासको जग्गा घोटाला गरेको आरोपमा थुनामा रहेका शोभाकान्त ढकालसँग धरौटी लिनेबारे सर्वोच्चका दुई न्यायाधीशको राय बाझिएको छ । शुक्रवार सर्वोच्च अदालतका न्यायाधीश ईश्वरप्रसाद खतिवडा र आनन्दमोहन भट्टराई बीचमा राय बाझिएपछि ढकालको मुद्दामा निर्णय हुन सकेन ।
विशेष अदालतले ०७७ माघ २८ मा ढकाललाई थुनामा राख्ने आदेश गरेको थियो । सो आदेश बिरुद्ध सर्वोच्च गएका ढकालको मुद्दा पुर्ण इजलासबाट सुनुवाइ गर्न आदेश गरिएको छ ।
न्यायाधीश ईश्वरप्रसाद खतिवडाले ढकालसँग ३ करोड धरौटी लिएर थुनामुक्त गर्नुपर्ने राय दिएका थिए । तर, अर्का न्यायाधीश डा. आनन्दमोहन भट्टराईले थुनामा राख्ने राय व्यक्त गरेपछि सो मुद्दा उपर निर्णय हुन पाएन ।
अख्तियार दुरुपयोग अनुसन्धान आयोगले गरेको अनुसन्धानबाट ललिता निवासको जग्गा मध्ये धेरै कित्ता जग्गा ढकाल र उनकी पत्नीको नाममा देखिएको थियो ।
© 2026 All right reserved to khabarcnter.com | Site By : Sobij
