२०८२ माघ १४ गते बुधवार
२०८२ माघ १४ गते बुधवार
काठमाडौं । संसदको विशेष अधिवेशनको तयारीका लागि गरिएको परीक्षणका क्रममा ठूलो संख्यामा सांसद, कर्मचारी र सुरक्षाकर्मीलाई कोरोना संक्रमण देखिएको छ ।
संसद् भवन नयाँ बानेश्वरमा २२ र २३ गते भएको परीक्षणमा सहभागीमध्ये १० प्रतिशतमा कोरोना संक्रमण देखिएको सचिवालय स्रोतले जानकारी दियो ।
बुधवार र बिहीवार परीक्षण गरिएका मध्ये ६१३ जनाको रिर्पोट आउँदा ६५ जनालाई कोरोना संक्रमण पुष्टि भएको हो ।
‘१४ जना माननीय, केही कर्मचारी, मर्यादापालक र संसदीय मामिलाको रिर्पोटिङ गरिरहेका केही पत्रकारलाई कोरोना पुष्टि भएको छ,’ संसद् सचिवालय स्रोतले भन्यो ।
अहिलेसम्म आएको नतिजामा १० दशमलव ६ प्रतिशतमा कोरोना संक्रमण देखिएको सचिवालयका ती अधिकारीले बताए । सभामुख अग्नि सापकोटा लगायत उनको सचिवालयका भने कसैलाई पनि संक्रमण देखिएको छैन ।
प्रधानमन्त्री केपी शर्मा ओलीले विश्वासको मत लिने प्रयोजनका लागि प्रतिनिधि सभाको बैठक वैशाख २७ गते बस्दैछ । सोही प्रयोजनका लागि बुधवार, बिहीवार र शुक्रवार सांसद, कर्मचारी र पत्रकारहरूको स्वाब संकलन गरिएको थियो ।
© 2026 All right reserved to khabarcnter.com | Site By : Sobij
