२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । नाडा अटो शो-२०२५ सुरु भएको छ । प्रधानमन्त्री केपी शर्मा ओलीले शोको उद्घाटन गरेका छन् । मंगलबार काठमाडौंको भृकुटीमण्डपस्थित प्रदर्शनी हलमा नाडा अटो शोको यो वर्षको संस्करण सुरु भएको हो ।
यस कार्यक्रममा एशोसिएसनका अध्यक्ष करण चौधरीले यो अटो शोले कुल अटोमोबाइल्स व्यापारको ४० प्रतिशत हिस्सा ओगट्ने भन्दै यो एउटा प्रदर्शनी मात्रै नभएर व्यापारिक केन्द्र भएको बताए ।
अध्यक्ष चौधरीले अटोमोबाइल क्षेत्रले देशको अर्थतन्त्रमा महत्त्वपूर्ण योगदान पुर्याएको भन्दै अहिले यो क्षेत्रले नेपालमा १० लाख रोजगारी सिर्जना गरेको र ३ हजार व्यवसायीलाई एकीकृत गरेको दाबी गरे ।
नाडा यस्तो संस्था हो जसले ९० प्रतिशत अटोमोबाइल्स सेक्टरको प्रतिनिधित्व गर्छ, अध्यक्ष चौधरीले भने, हामी सीप र रोजगार दुवै सिर्जना गर्छौँ । अध्यक्ष चौधरीले सरकारले ल्याएको बजेट पछिल्लो १० वर्षमा नदेखेको बजेट भएको भन्दै अर्थमन्त्रीको प्रशंसा गरे ।
उनले आउँदो मौद्रिक नीतिको समीक्षाले अटोमोबाइल क्षेत्रका लागि थप सकारात्मक व्यवस्थाहरू आउनेमा आशावादी रहेको बताए । साथै, सरकारले ल्याउन लागेको नयाँ यातायात मापदण्डले पनि व्यवसायीलाई उत्साहित बनाएको उनको भनाइ छ ।
यस पटकको नाडा अटो शोमा पहिलोपटक ह्युमनोइड रोबोट र उड्ने कार पनि प्रदर्शनीमा राखिएको छ, जसले अवलोकनकर्तामाझ नयाँ आकर्षण थपेको छ ।
उनले भने, नेपालमा सवारीसाधन एसेम्बल गर्नु जरुरी भए तापनि पार्टपुर्जा नेपालमै उत्पादन हुनु अझ महत्त्वपूर्ण हुनेमा दिए । पार्टपुर्जा नेपालमै उत्पादन भयो भने त्योभन्दा ठुलो केही हुने छैन । आजदेखि काठमाडौंको भृकुटीमण्डपमा सुरु भएको यो प्रदर्शनी ६ दिनसम्म चल्नेछ ।
© 2025 All right reserved to khabarcnter.com | Site By : Sobij
