२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । मंगलबारदेखि सुरु हुने नाडा अटो सो २०२५ मा नेपालको पहिलो इभीटोल (इलेक्ट्रोनिक भर्टिकल टेकअफ एन्ड ल्यान्डिंग) दिपल उड्ने ट्याक्सीलाई प्रधानमन्त्री केपी शर्मा ओलीले औपचारिक रूपमा सार्वजनिक गर्ने भएका छन्।
एमएडब्लु वृद्धिले चिनियाँ अटो निर्माता चांगान अटोसँग सहकार्य गर्दै नेपालमा नयाँ युगको मोबिलिटीको सुरुआत गर्ने घोषणा गरेको छ। यसै सन्देशलाई मजबुत बनाउन इभीटोललाई यसपालिको प्रदर्शनीको मुख्य आकर्षणका रूपमा प्रस्तुत गर्न लागिएको कम्पनीले बताएको हो।
यसैगरी, एमएडब्लु वृद्धिले पहिलो पटक नेपालमै मानव आकारका ह्युमनोइड रोबोट पनि प्रदर्शनीमा राख्नेछ। यी रोबोटले आगन्तुकसँग प्रत्यक्ष संवाद गर्ने, मानिस सरह गतिविधि प्रदर्शन गर्ने र नयाँ प्रविधिको अनुभव गराउनेछन्। कम्पनीका अनुसार यसपटकको नाडा अटो सो केवल अटोमोबाइल प्रदर्शनी नभई नयाँ प्रविधि र भविष्यको उत्सव बन्नेछ।
नयाँ प्रविधिसहित प्रदर्शनीमा दिपल र अवतारका फ्युचरिस्टिक मोडलहरू-दिपल एस०५, एस०७ आईसीए, ई०७ र अल्ट्रा प्रिमियम अवतार ११ पनि सार्वजनिक हुनेछन्। हालै नेपालमा भव्य रुपमा सार्वजनिक गरिएको दिपल एस०५ केही दिनमै लक्जरी, स्टाइल र प्रविधिको सम्मिश्रणका कारण लोकप्रिय बन्दै गएको छ।
एमएडब्लु वृद्धिका प्रबन्ध निर्देशक विवेक सिकारियाले भने, ‘नाडा अटो सो सधैं नयाँ प्रविधि प्रदर्शन गर्ने मञ्च रहँदै आएको छ। यस वर्ष प्रधानमन्त्रीज्यूबाटै नेपालको पहिलो उड्ने ट्याक्सी सार्वजनिक हुनु स्वयं ऐतिहासिक उपलब्धि हो,’ ।
© 2025 All right reserved to khabarcnter.com | Site By : Sobij
