२०८२ माघ १३ गते मंगलवार
२०८२ माघ १३ गते मंगलवार
गण्डकी प्रदेशका स्वतन्त्र सांसद राजीव गुरुङ अर्थात् दिपक मनाङे मन्त्री बन्ने भएका छन् । उनलाई मुख्यमन्त्री पृथ्वी सुब्बा गुरुङले मन्त्री बनाउने आश्वासन दिएका हुन् ।
मन्त्री बन्ने आश्वासन पाएपछि गुरुङले मुख्यमन्त्री पृथ्वी सुब्बाविरुद्धको अविश्वासको प्रस्तावको विपक्षमा मतदान गर्ने तय गरेको बुझिएको छ । उनी यसअघि अविश्वासको प्रस्तावको पक्षमा मतदान गर्ने टुंगोमा पुगेका थिए ।
गुरुङको मत निर्णायक हुने भएपछि काठमाडौंबाट पनि शिर्ष नेताहरुले विभिन्न आश्वासनसहित फोन गरेका थिए । अन्तमा गुरुङ प्रधानमन्त्री ओली निकट पृथ्वी सुब्बा गुरुङबाट कन्भिन्स भएका थिए ।
मनाङे मुख्यमन्त्री गुरुङको पद जोगिएमा मन्त्री बन्ने पक्कापक्की भएको छ । अहिले उनी पनि मुख्यमन्त्री गुरुङको पक्षमा माहोल बनाउन सक्रिय भएका छन् ।
स्रोतका अनुसार स्वतन्त्र सांसद दीपक मनाङे युवा तथा खेलकुद मन्त्री बन्दैछन् । सामाजिक विकास मन्त्रालयबाट फुटाएर युवा तथा खेलकुद मन्त्रालय बनाइएको हो ।
© 2026 All right reserved to khabarcnter.com | Site By : Sobij
