२०८२ भाद्र १ गते आइतवार
२०८२ भाद्र १ गते आइतवार
काठमाडौं । नेपाल सुपर लिग (एनएसएल) मा आज (मंगलवार) एउटा खेल हुँदै छ ।
दशरथ रंगशालामा आज साँझ ५ः३० बजे शुरु हुने खेलमा काठमाडौं रेजर्स र धनगढी एफसी आमने सामने हुँदै छन् ।
नेपाल राष्ट्रिय फुटबल टोलीका दुई गोलरक्षक किरण चेम्जोङ र विकेश कुथुले क्रमशः धनगढी र काठमाडौंका कप्तानी सम्हाल्ने छन् ।
राष्ट्रिय टोलीका पनि कप्तान रहेका किरणको धनगढी एफसीले आफ्नो पहिलो खेलमा ३-० को हार बेहोरेको थियो भने बिकेशको काठमाडौं टोलीले भ्याली डर्बीमा ललितपुर सिटी एफसीलाई १-० गोल अन्तरले पराजित गरेको थियो ।
धनगढी एफसी आजको खेलमा जित सँगै यस प्रतियोगिताको अंक तालिकामा आफ्नो खाता खोल्न चाहन्छ भने काठमाडौंको टोली दुई खेलमा दुई जित निकाल्दै शीर्ष स्थानमा उक्लने दाउमा छ ।
सोमवार खेलिएको एकमात्र खेलमा एफसी चितवन र ललितपुर सिटी एफसीले १-१ गोलको बराबरी खेल खेलेका थिए ।
© 2025 All right reserved to khabarcnter.com | Site By : Sobij
